由於日本藝能界嘅超人氣美少女組合AKB48實在太紅太Hit，所以引得AV界亦想從中叨光，唔少AV廠都大拍A貨AKB48作品，而日本最出位嘅AV廠SOD更加召集女優組成「SOD國民的偶像」，隊員包括友田彩也香、大槻響、琥珀詩等人氣女優。佢哋除咗扮到好似正牌AKB48一樣，仲推出MV以及單曲。最近，佢哋為咗迎接聖誕佳節，正拍攝應節嘅最新單曲，另外亦預定於12月22日去到新宿，舉行名為「SOD國民的偶像重力心靈感應公演 in 新宿FACE」，呢段時間會去日本玩嘅朋友就千祈唔好錯過喇。
日本AV界一向都好識得食住潮流去拍鹹片，早年見到話題女王澤尻英龍華成為傳媒焦點，於是就搵來同佢相似度達九成嘅夏川玲扮成A貨拍片。見到AKB48紅到發紫，AV廠又搵班嫩口少女拍片。最近，已經成立咗十年嘅電子音樂組合，由三名美少女組成嘅Perfume，舉行台灣、香港、新加坡以及韓國嘅亞洲巡迴演唱會。由於Perfume實在太紅，令AV界最近又嚟渾水摸魚，推出一隻名為《素人Parfum生中出》嘅作品，搵來三名同Perfume成員相當似樣嘅素人女優拍攝，最抵死係片中三名女優除咗裝扮同正牌相似，仲學埋佢哋嘅演出模式一樣又唱又跳，但係就剝光豬進行，真係你至叻咯！
撰文：賢