日本AV界嘅癡女個個又索又好身材，身體同床上態度都相當強悍，往往能夠以一敵眾，以一女之力挑戰多位男優，更視對方為玩物百般玩弄。不過，現實生活中嘅癡女女優究竟係點嘅呢？係咪同戲中一樣咁惡死、咁放蕩呢？我哋去佢嘅博客睇睇咪知囉。
吉澤明步可以稱得上係當今最強嘅AV天后，而星野明絕對可以同明步爭一日長短。明妹身材豐滿，氣質妖媚，演技亦同明步一樣出色。仲有，行癡女路線嘅明妹演出態度進取又夠淫靡，真係正正正。最近，明妹就去到離東京達三小時電車路程嘅地方取景拍AV。由於到達之後已經夜深，故此要投宿旅館。而明妹就表示多謝工作人員嘅悉心照顧，事關佢本身剛剛戰勝感冒，身子仲有少少虛弱。
網址：http://plaza.rakuten.co.jp/akarihoshino/
蓮實Kurea原名叫做安達亞美，憑一副妖艷面孔以及34F-23-34激凸身材而受注目。不過，由於亞美得唔到h.m.p支持，因而一度失蹤。最近，阿妹就改名為蓮實Kurea重新出發。由於阿妹拍片態度如狼似虎，所以被稱為「今世紀最大之極上癡女」。現實當中，Kurea又唔似得作品中咁得人驚。近日，佢就表示從寵物店買來一隻貓仔，據聞呢隻係佢屋企所養嘅第七隻小貓，識得照顧小動物嘅人，相信都唔會衰得去邊啦。
網址：http://blog.livedoor.jp/kurea_hasumi/
原本係模特兒亦係車模嘅神雪，由於擁有一個圓潤、彈手又飽滿光滑嘅絕世美尻而成名。今年神雪仲得到AV名廠Premium以重金利誘加盟，更特別安排佢先拍全裸寫真DVD，再拍只有吹奏場面嘅AV，至近日先作完全本番解禁，同男優實牙實齒交鋒。為咗令AV拍攝順利，神雪喺博客當中表示研究好多性問題，例如男人唔洗乾淨命根兒就上床係咪好唔衞生等等，估唔到阿妹又幾好學喎。
網址：http://blog.livedoor.jp/yuki__jin/
撰文：賢