好多日本水着女優出道嘅時候盡露鋒芒，令自己人氣持續急升，隨後受到藝能界睇中，被邀請拍電視劇、電影，又或者登台演出舞台劇。雖然有機會上位的確係好事，但係對於一眾粉絲就唔多好，因為女優成日掛住拍戲，往往唔得閒拍寫真集，就好似市川由衣咁。今年26歲嘅由衣妹2000年出道拍寫真集，由於其面孔秀麗，氣質高雅，加上肌膚白滑，身材又好，令佢迅速走紅，之後更加演出過好多知名電影，例如《咒怨》以及《NANA 2》。另外，由衣亦有推出唱片以及做舞台劇，搵錢瓣數多不勝數。不過，正因為由衣咁忙，上次推出寫真集已經係接近五年前嘅事。幸好，一眾紛絲終於有機會再睹其三點式風采，因為由衣嘅最新寫真集《Origine》經已推出。當中，由衣去到風光優美嘅馬爾代夫取景，靚人靚景，加上幾幕全裸而不露點嘅演出，粉絲今次一定冇投訴啦！