邊個國家嘅女至索？據美國一個調查指，烏克蘭嘅索女最為佢哋熱愛。既然烏克蘭索女多，咁去到當地應該去邊度溝呢？咁就梗係去的士高啦！事關烏國男女閒時鍾意夜蒲，火辣索女真係多到數唔晒。美國就有旅遊網站，推選咗多個索女熱愛嘅蒲點，有興趣結識烏國索女嘅男士不妨去呢啲的士高溝女。
Vodka（伏特加）係公認勁度十足嘅酒之一，而呢間以賣伏特加賣到出晒名嘅酒吧，唔單止賣嘅酒夠勁，更係烏克蘭最大嘅的士高酒吧，最重要係嚟得呢間酒吧嘅女亦辣度十足。事關唔少去過呢間的士高酒吧嘅男士，都盛讚嚟蒲嘅女索到爆炸兼且熱情如火，索女人數更係多到爆，好難會出現僧多粥少唔夠女派嘅情況。對於單身男士嚟講，呢度簡直係佢哋嘅天堂呀！
呢間走傳統路線嘅的士高酒吧，雖然話就話係傳統，但佢嘅玩法卻相當前衞，皆因每晚都勁播強勁嘅跳舞音樂之餘，班女Dancer個個都相當高質，加上佢哋極盡性感嘅比堅尼制服，令嚟親嘅男士都瘋狂不已！既然係咁，點解又吸引索女嚟玩呢。原來女士嚟呢度蒲係免入場費，每位入場女士仲可獲免費飲品一杯，難怪唔少索女都鍾意嚟呢度睇騷兼溝仔啦！
如果狂野又熱情嘅女士唔啱心水，想識番個斯文又有氣質嘅烏國索女嘅話，咁呢間的士高就一定可以滿足到你。事關呢間酒吧以音樂為主題，每晚請嚟唔同嘅歌手同樂隊演出，因此吸引唔少熱愛音樂嘅女士嚟呢度把酒談心。男士嚟到嘅話，大可以邊聽音樂邊睇女，睇啱嘅話就叫侍應幫你為索女送上一杯Cocktail，然後坐埋去聽音樂，溝女話都冇咁易。
要溝索女又想(目及)正爆嘅火辣艷舞騷？咁就梗係有啦！呢間的士高網羅全烏國至索嘅Dancer，個個名副其實有樣有波哋之餘，艷舞演出更係性感度同視覺效果同樣爆燈，加上嚟玩嘅索女個個都開放兼熱情，至啱男士嚟呢度邊溝女邊睇騷，絕對係一舉兩得！
撰文：魂