美國有個賤男，凌晨在美國紐約搭地鐵，一走入車廂，見到一名熟睡女子，就立即坐喺佢旁邊，慢慢更旁若無人地伸手到女子翹起嘅右腿下，放肆地上下其手，難得該女子完全熟睡，沒有醒過來。坐在對面嘅乘客剛好拿着手機，立即按掣拍了18秒片段。之後他聯同另一乘客上前制止賤男，但賤男並不理會，更伸手把女子擁入懷扮自己女朋友，幸好呢個時候熟睡女子終於醒過來，驚覺自己畀賤男攬住，於是一拳擊中佢塊面，就立即下車。
阿鐵：*~*
呢個賤男真係抵打，但係拍片嘅男途人更加抵打，見到咁嘅事梗係立即阻止，仲要掛住拍片，依家嘅年輕人都係靠唔住，難怪香港咁多女人搵唔到好男人！
小丁：@o@
其實唔止紐約，香港地鐵近年嘅風化案都多咗好多，女人搭公共汽車時，都要打醒十二分精神，如果唔係，隨時畀鹹豬手有機可乘，不過我小丁就一定唔會咁做喇！
羊頭：★▽★
我覺得呢條美國妹自己都要負啲責任，有咩理由喺公眾地方瞓到咁冧呀！尤其係女人，更加要提高警覺性先得，佢再係咁樣，遲早都會出事！
撰文：巴戟