臨近年尾各個界別都會推出來年月曆，而能被挑選成為月曆女郎，對新進模特兒嚟講絕對係一個實力考驗。最近某大網絡就揀選到佢哋車版十二寶貝，而十二位大美人當中，網友馬上票選出佢哋嘅至愛，唔知同大家嘅心水係咪一樣呢？
蘇薇薇今年至出道，以日系美少女形象走紅，拍咗好多少女時裝同婚妙硬照，係唔少宅男心中嘅純情偶像，所以佢嘅性感照唔多，今次為網站拍攝以末世為背景嘅月曆海報，薇薇可以話一改形象，除咗一身未來Look之外，仲加入少少性感，戴上牛仔帽同手執長管左輪槍嘅薇薇，英氣十足，一改少女形象，絕對係一大突破！
出生地：北京
三圍：33、26、35
身高：173cm
趙毅同樣係今年嘅新進模特兒，佢最為人熟悉嘅作品，就係為年中歐洲國家盃拍咗輯超性感嘅足球寶貝硬照，一時間成為網友嘅熱捧對象，點擊率以新人嚟講可列入最高幾位，而今次再為網站拍攝末世題材月曆，造型同其他囡囡唔同，手上並無刀槍等兵器，反而大賣驕人身材，有網友話佢呢啲係原始武器，比刀槍武器更具殺傷力。
出生地：北京
三圍：33、24、35
身高：162cm
新進模特兒當中，今年最多搞作嘅一定係孟露莫屬，有177cm身高嘅阿妹，同時擁有35吋巨乳，所以佢以乜嘢造型出嚟，都一樣所向無敵，今次拍攝月曆海報亦都一樣，孟露一身嘅造型，除咗將佢嘅完美身材展現無遺之外，仲顯出英姿颯颯，睇嚟拍動作片都冇問題，好身材加好身手，話唔定真係會一炮而紅，我哋真係要密切期待！
出生地：北京
三圍：35、23、35
身高：177cm
撰文：小德