小女孩除咗笑臉可愛之外，有時一臉無辜嘅樣子，亦係十分討好，而模特兒雖然唔再係小女孩，但如果拍攝到一臉無辜嘅表情，亦毫不突兀。最近有網友選出三位最具人氣嘅「無辜天使」，今日就逐一同大家介紹吓。
今年22歲嘅詩梓佳嚟自北京，佢擁有童顏，所以扮無辜嘅照片，十分討好，畀人好有無辜小女孩嘅感覺，加上擁有35吋巨乳，所以童顏巨乳嘅無辜照片，火速成為網友嘅關注熱點，點擊率十分之高，而其中呢張唔想起床嘅無辜樣，就深入民心，相信係男人見到，都唔忍心叫佢起身，等佢瞓到天黑都冇問題！
出生地：北京
三圍：35-24-35
身高：168cm
嚟自大連嘅沙妍伶，佢嘅容貌清秀，加上眼仔碌碌，一臉無辜時真係甚具殺傷力，咪睇佢只有33吋上圍，但攝影作品經常都畀到人波濤「胸」湧嘅感覺，加上佢有170cm嘅身高，長腿翹臀，身材配搭得啱啱好，好似呢張海邊嘅照片，妍伶身上穿着魚網裝加上一臉無辜嘅表情，仲以為係漁夫網到條美人魚添，真係令網友愛不釋手。
出生地：遼寧大連
三圍：33-23-33
身高：170cm
嚟自保定嘅方菲，一個好普通名字，但就擁有不普通嘅人生，佢喺老家係位好有名氣嘅模特兒，當地無人不識，而佢可愛俏麗嘅樣貌更令佢嘅事業殺入北京，方菲經常以小女孩形象示人，所以古怪表情嘅照片多不勝數，而呢張無辜照就最令人印象深刻，一來方菲表情特別肉緊，二來將佢完美嘅身材表露無遺，令人噴血。
出生地：河北保定
三圍：35-25-37
身高：163cm
撰文：小德