巴打出嚟蒲，唔記得囡囡個朵好小事，嗌聲Baby即拆掂，反而大大聲嗌錯名先最大鑊！不少玩家都試過喺夜場啱啱識到件新女，對方報上大名後，發功成晚，玩得盡興，點知埋尾諗住拖女爆房一刻，Mary變阿May，尷尬就肯定，最陰功係冇運行，專家今日就教大家解圍三招！
斷到咁正，又諗唔到點解決，專家話最好係扮情深！皆因可即時解決眼前問題，就算即晚冇得食，都仲可以留一線，希望隔夜再啅過喎！通常囡囡聽到你叫錯名例牌黑面，呢個時候你不妨解釋呢個係你前女友個名，可惜佢已經唔喺度，稍為有啲人性嘅女都會問對方去咗邊？你不妨吹大啲話對方早登極樂，加埋一副情深Chok樣，就算件女嬲到爆炸都唔敢同你反枱，話唔定仲畀你啲戲感動，反過嚟安慰你添，呢個時勢唔使細佬教都知打蛇隨棍上，要求佢今晚陪你，咁咪天黑砌到天光囉！
情深雖然殺傷力最強，可惜一定要演技配合，未必係花靚新手做得到！假如冇信心，咁就退一步扮浪子，擺出一副大把女姿態，今晚只係無心插柳睇中你！唔記得囡囡個名係應該嘅！如果件女想發你圍，你不妨好冷淡咁問多佢一次叫乜嘢名，件女轉身就走，咁就冇運行，相反仲肯講，咁你就要收檔，即刻扮傻豬同對方講從呢刻開始一世都記得，查實女人都係想男人氹，有得食扮豬扮狗又何妨！
假如你天生「型棍」，基本上你成晚嗌錯囡囡名佢都當冇事發生，可惜世上邊有咁多靚仔吖！假設你戲又屎，惡又惡唔起，專家認為不如扮傻仔最啱。直接同囡囡講你鍾意呢個名，囡囡就算火滾都會問你點解？呢個時候你不妨吹盡啲，話個名好襯佢、與眾不同等等，極度扯開話題，淡化件事。其實囡囡內心又點會唔知吖，只係大家萍水相逢，之後加多兩錢肉緊冧佢兩冧，有得食咪當Bonus囉！
撰文：祖