最近大婆台推出套台慶劇，係講名媛淑女不為人知嘅故事，觀眾反應點樣暫時未知道，但內地嘅反應就好快，特別係骨場，好似喺佛山就有骨場跟風推出「名媛之夜」，以靚人靚衫靚首飾做招徠，據講喺當地紅到爆燈，門口晚晚排晒隊幫襯。
據知情人士透露，佢哋同電視劇唔同，唔走懷舊路線，免得置裝費超預算，所以走番現代風。骨場將一眾囡囡打扮到名媛淑女咁樣，除咗衫裙同高踭鞋外，頭髮亦花咗唔少工夫，唔少長髮嘅囡囡都幫佢哋紮個高髻，真係即時唔同晒，貴氣好多，而有啲頭髮電到不倫不類嘅囡囡，就全部幫佢哋做晒負離子，所以你入到花街，真係好似去咗「波場」咁樣。此外，仲有一樣秘密武器，就係囡囡嘅包包同首飾，佢哋手上都有個名牌手袋仔，當然係「A貨」，如果全部係真，單係買手袋都要過百萬。
除咗名牌包包，佢哋仲有大量朱義盛首飾用嚟做陪襯，囡囡穿金戴銀後，即時令人刮目相看，有啲囡囡嘅金銀首飾並唔係戴喺身上，咁放喺邊？竟然放喺內衣上面，等客人深入研究時，就會發現內衣有啲珍珠或者閃鑽飾物，貴氣即時增添。除咗打扮外，囡囡喺儀態同談吐上都有講究，而最快見效嘅方法，就係要佢哋行路時慢啲同埋講嘢時慢啲，由於囡囡個個脫胎換骨，所以真係打動唔少客人嘅心，至於服務質素上，據講冇變到，變嘅就只有收費，原本B牌囡囡，家陣劃一變晒高鐘妹。
地點：佛山
語錄：假扮淑女，一樣排隊，以假亂真，齊來親親。
撰文：小德