不少男女都會追求同步高潮嘅快感，不過男女構造大不同，想達成願望，的確有一定難度。但世上無難事，只怕有心人，其實男女雙方肯齊心的話，再抓緊以下嘅重點，便可大大增加同步到達高潮嘅可能性。
男人進行抽動嘅時候，盡量避免動作過快，引起太大刺激感，反而應該多做壓迫運動，增加女人快感為主，甚至同時進行重點愛撫，增加女人嘅性高潮反應。在性交過程中，也可以適當地中斷，再反覆進行，可有效減低男人嘅體力消耗，令戰事有機會延長，從而達到同步高潮嘅可能性。
雖然沒有人規定性交必須要幾多時間先合格，然而兩三吓就發射嘅男人，總不能滿足女方。想同步高潮嘅男女，一定要先了解，平時交合嘅時候，是否雙方都得到滿足，如果連這一點都未能做到，同步高潮就更加難達成。尤其是輕度早洩者，不妨多花一點時間喺前戲上面，甚至先讓女方達到快感，然後再埋牙，便大大增加同步高潮嘅機會。
還有最重要嘅一點，就係令女人喺性交前就有亢奮嘅性慾。女性愈感覺需要，便愈易有快感。女人性慾嘅升溫較緩慢，同男人相比之下，兩性便會出現高潮時差，所以男人要懂得喺未埋牙之前，就要將女人嘅強烈性慾燃起。當正式埋牙嘅時候，時差就已經減到最小，男人就唔需要實戰太長時間，都可以令女人走上高峰。
撰文：西太后