手機功能愈出愈多，連帶囡囡搵食嘅機會都大增，以前上門服務嘅囡囡最少都要部電腦或者搵個雞頭嚟負責穿針引線，但最近有朋友報料，話寧波嘅上門囡囡全部都係個體戶，只要一部智能手機就做晒宣傳同埋確認嘅服務，真係科技先進。
話說出嚟做獨行俠嘅囡囡，會先用手機喺交友區留言，講嘅當然係意淫嘅文字，要大家意會，如有客人感興趣，就可以同囡囡網上聯絡。囡囡無論身在何方，做緊乜嘢都好，只要用手機就可以即時回覆，就算對方要求照片，佢哋都可以用手機喺網上搞掂，客人滿意嘅話，囡囡仲會要求先畀全部或部分肉金，客人要把錢轉入指定銀行戶口或者網絡戶口，有啲囡囡連遊戲代幣都收，當囡囡登入戶口一查，就知佢哋入咗錢未。
一經核實囡囡就會通知客人交易成功，同時告知時間前往客人嘅指定地點進行服務，期間囡囡一部手機搞掂晒，無論喺屋企定係行緊街，都可以運作自如，連中間人都慳番，於是有唔少囡囡都做晒獨行俠，但咪以為成本少咗，肉金會平啲，據老友指出肉金一啲都冇平到，有啲仲收貴咗一兩百，原因話囡囡出部智能手機都要幾千銀，成本唔細，加上玩得高科技手機嘅客人理應出得起錢，於是咪冇平到囉！
地點：寧波
語錄：手機好方便，搵客認真掂，獨行俠湧現，服務快夾易。
撰文：小德