最近日本寫真界有個新寵兒，就係來自關西嘅寫真女神和田繪莉，佢擁有一張可愛臉龐，散發自然嘅學生妹氣質，令好多少男舉旗不定，更對她一見傾心。佢出道以來，共出過5部寫真DVD，秉持着天生惹人憐愛嘅魅力特質，結果5部寫真都賣個滿堂紅，成為日本寫真界嘅新寵兒。平常嗜好購物同埋唱卡拉OK嘅佢，除咗拍寫真之外，仲會向演藝界發展，積極參與歌唱事業同埋電視劇演出。更不時喺平面媒體上曝光，增加自己嘅知名度同埋人氣。咁勤力又有樣貌，前途應該無可限量喇！
阿壽^_^：日本年年都有好多新人湧現，不過近年有質素嘅新人愈來愈少，所以和田繪莉能夠彈起，我一啲都唔出奇，不過其實睇真啲，佢質素都係好普通啫！
男爵@o@：我就覺得和田繪莉幾好呀！佢個學生妹樣，好清純又好自然，唔似有人工化嘅痕迹，所以我覺得佢可以紅起來，絕對合情合理，我一於撐硬佢！
大和._.：日本寫真界好似真係比以前靜咗好多，可能無乜有質素嘅囡囡，又或者少男愈來愈嘴尖，唔係咁容易就引起佢哋嘅欲望，所以和田繪莉算係近期嘅異數。
撰文：巴戟