人氣日本電玩《光明之刃》，除咗遊戲備受追捧外，佢嘅模型更係長出長有。不過老實講，再正嘅模型係咁出真係有啲悶，因此今期模型商嚟個新搞作，就係推出紅蓮之炎舞Look嘅「七色靈刃使」咲夜，真係相當有新鮮感！
由一身黑色Look變做火辣紅衣女嘅咲夜，賣相相當吸引，唔單止因為佢全身紅色嘅裝束，亦唔係因為佢手上把巨型嘅燄龍閃滅刀，而係在於佢個爆乳加短裙嘅造型，心口中門大開露出迷人事業線之餘，對車頭燈仲有種呼之欲出嘅感覺，配合埋一對修長美腿，賣相真係相當養眼，唔知大家有冇興趣帶佢返屋企呢？
全高：約330mm
售價：約HK$1,260
暫定發售：2013年2月
撰文：魂