一個寂寞嘅單身男人真係好淒涼，返到屋企就只有四面牆，同埋冷冰冰嘅家具電器。睇完三仔四仔之後，可以選擇嘅亦只有左手或右手。幸好，近年吹氣娃娃愈來愈普及，而且仲有上下半身任揀，總算可以為寂寞男士提供多少慰藉。不過，用完之後當然要小心收藏，就算係諗住換另一個「新歡」，決定拋棄「舊愛」都一樣要小心。早前土耳其北部嘅黑海就有人試過發現遇溺者，驚動到警方沿海岸線作大範圍封鎖，兼派蛙人同救生艇出動搜救。點知……搞咗一輪先至發現，在水中載浮載沉嘅唔係人，而係一個吹氣娃娃！亂咁掉呢個娃娃嘅人真係冇公德心，而且仲浪費警力，真係唔要得。