家陣去到香港各處海灘，都會發覺風光比以前更吸引，因為現時女仔思想比較開放，去游水嘅時候都唔介意換上性感比堅尼上陣，唔似得以前，成個海灘都係密實又老土嘅一件頭泳衣。但係，講到游水嘅開放程度都仲未及得上外國人，因為佢哋好多時都會連泳衣都唔着，一於享受裸泳嘅樂趣。早前，英國諾森伯蘭郡一個海灘便上演一場壯觀嘅裸泳場面。當日，有二百多名男男女女一齊剝光豬去到當地著名的Druridge海灘裸泳，如果當時在場，可能會誤以為自己回到原始時代。點解佢哋會咁呢？原來佢哋為響應東北裸潛協會嘅邀請，希望可以集合到超過四百人打破最多人一齊裸泳嘅世界紀錄。雖然，當日只係得二百幾人，但係大家依然玩得好開心。