香港人居住環境擠迫，好似我老表咁，家庭成員有七個，都只係逼喺一間公屋大單位生活。當然，大家住得開心，關係融洽基本上都唔會有乜問題。不過，點樣至可以令關係融洽呢？如果閣下仲未結婚，咁就記住唔好溝完仔溝完女之後，帶埋對方返屋企上床喇。根據澳洲一間電視台最近做嘅調查發現，五百對父母當中，有八成唔介意仔女有婚前性行為，但係四分之一就表示唔鍾意阿仔阿女帶拖友返屋企上床，原因係咁做會令佢哋覺得屋企好似冇掩雞籠，缺乏安全感喎。
撰文：賢