美式足球呢種運動衝撞性厲害，所以一直係男人天下，每年嘅「超級碗」大賽，更吸引無數國民引頸以待。原來美國女人早已靜靜起革命，成立咗一個名為「Lingerie Football League」（簡稱LFL）嘅聯盟，推動女人穿起性感球衣，打美式足球，絕對令男球迷大叫正斗。
比較其他國內流行嘅終極格鬥錦標賽（UFC），又或者世界摔角娛樂（WWE）等，LFL暫時當然係無咁大名氣同入場人數，但隨住電視轉播賽事嘅增長，同入場人數不斷增加，LFL已經開始喺北美地區紅起嚟，上個月更已經喺加拿大上演首場賽事。LFL一共有十二隊女子職業球隊，能夠落場嘅球員，都受過嚴格嘅美式足球訓練，唔係柴娃娃露波、露股咁簡單。由於好多球員都擁有一對美乳，加上球衣相當性感，經常露出南北半球，球迷可謂大飽眼福。但佢哋衝刺起嚟，絕對不比男球員遜色。
有睇過美式足球嘅朋友，都知道呢種運動除咗用撞擊去阻止敵方前進外，仲可以用拉腳、抱身嘅方法，將對方球員制服。呢班性感女球員打起上嚟，一啲都唔錫身，全場又拉又抱，戰情激烈時，隨時拉甩對手條小三角褲，或者係上身嘅性感乳罩，現場觀眾，享受精神刺激嘅球賽之外，更可以享受視覺上刺激，簡直係雙重享受，令人目不暇給。
十二隊球隊中，每隊都各自有受歡迎嘅美女球星，更有不少美女已經成立咗Fans Club，呢啲Fans好鬼熱情，十足女球迷迷碧咸一樣，每次偶像出賽，就一定親身捧場，仲會喺球場上大叫大喊，舉起性感女神嘅標語，有啲激進球迷更會趁亂衝入球場，撲向自己心儀嘅女神，搞到現場其他Fans蠢蠢欲動，幸好球場保安知道球迷有此一着，早已布下嚴密布防，球迷想衝關真係唔易。
撰文：巴戟