近期香港出現好多抗議示威，雖然每次都有好多人響應，但係大家依然可以保持良好秩序，真係不得不為我哋香港人感到自豪。而不久嘅將來，巴黎方面就唔會似得香港咁和平喇，因為近年最出位最能夠引起公眾關注嘅烏克蘭女權維護組織FEMEN，早前喺巴黎成立FEMEN中心。FEMEN嘅女成員個個都芳華正茂，為咗表達抗議之聲，除咗會用激烈手法，仲會例牌剝光上身露兩點引人注意。今次佢哋喺巴黎開設FEMEN中心，相信會吸納好多志同道合嘅女性，以後嘅抗爭行動一定更激烈，更多春光喇。
最近政府有意將偷拍列為性侵犯罪行之一，更可納入性罪行查核機制當中，相信有效警惕以及阻嚇偷拍狂徒，女性如廁、行街嘅時候都唔使咁驚。不過，就算冇偷拍狂徒冇偷拍器材，如廁都可能會洩露春光，嘩！咁大件事？早前，美國嘅曼哈頓酒店就出現呢種奇事喇。一班市民路過呢間酒店嘅時候，忽然有雅興舉頭遙望天際，卻驚見酒店18樓一間俱樂部嘅廁所，上面嘅玻璃居然無遮無掩，多名男男女女如廁嘅情況一目了然！最慘就係洩露春光嘅男女仲懵然不知。至於點解會咁呢？暫時並無相關嘅解釋。
撰文：小德