美國除咗經濟低迷之外，餐飲業及消費業都同樣低迷，有老闆為咗殺出一條血路，決定使出大膽創新嘅吸客招數，成間餐廳以波霸做主題，所有侍應都以格仔Bra-top的性感裝束做招徠，凸顯侍應嘅性感雙峰，令客人大飽口福之餘，也可以大飽眼福，大受男士歡迎。
一間位於美國德州的酒吧餐廳，為咗增加餐廳嘅營業額，於是想出將餐廳嘅女侍應制服全部換掉，清一色輕薄的紅色格仔上衣及米色短褲，讓女侍應大方地露出事業線、小蠻腰同埋長腿，香艷火辣景象令好多男人大叫正斗，生意自然滾滾而來。
雙峰餐廳老闆Randy DeWitt表示，餐廳改革的目的，就係要令客人可以先滿足視覺享受，再填飽肚子，有如此貼心服務，客人自然感到賓至如歸，再加上用心製作嘅傳統美式料理，一定可以令餐廳營業額飆升。的而且確，餐廳改革後，生意成績相比前年，足足提高了35%，達到4,400萬美元，有咁樣嘅成績，老闆當然眉開眼笑，更有不少人準備跟風添！
餐廳平時嘅制服已經令唔少客人目不暇給，但要是遇上特殊節慶的話，餐廳更會訂製不同的服飾，盡量利用性感服裝，將女侍應嘅雙峰展露在客人眼前，好像聖誕節嘅兔女郎服飾，更加令人流晒口水，胃口大開。而餐廳招募侍應也同樣會經過嚴格挑選，無34C以上嘅Size都好難入選，藉此保障客人嘅視覺享受。
撰文：巴戟