據報道指西班牙有城市開設了一所「妓女學校」，顧名思義入讀嘅學生都係想成為一位妓女，不過令人驚訝嘅係學校嘅廣告一出，就有接近100名女孩前往報名。校長拉莫萊斯更向媒體坦承，之前就係一名性工作者，而開設妓女學校一直係佢夢想。而近年西班牙女性失業率高，好多女性只能靠賣淫維生，因此令「妓女學校」生意興旺。儘管有唔少民眾要求取締呢所學校，但係喺西班牙只要有許可證就可以合法賣淫，而且並無相關規定學校唔准教授類似課程，想取締都唔容易。
番茄：*~*
嘩！妓女都要學，做愛係人類嘅本能，女人只要肯拋個身出嚟，就可以做妓女喇！使乜花錢去報名讀書啫！呢個校長真係冇陰功，連妓女嘅錢都想呃！
意粉：#o#
我真係估唔到西班牙咁開放，連妓女都有得讀書上堂，不過我覺得性工作者都係一種好專業嘅行業，唔係個個女人都服侍得我舒服o架！所以我覺得做妓女之前，學吓技巧都好嘅！
小碟：^v^
我就覺得呢間學校想玩噱頭就真，課程得一星期，學得啲咩啫！擺明就係想呃錢，而且仲想呃埋社會上嘅注意力，等佢呢間學校可以免費宣傳就真。
撰文：巴戟