「預繳式收費」大家都唔會陌生，客人可以優惠價享受服務，但就需要一次過繳付一筆費用，近年一啲健身同美容院就最常用，吸引人嘅地方就係優惠好多，有時高達六七折，而喺東莞一帶嘅骨場最近亦開始流行，間間都要你買套票。
據資深骨友明哥透露：「我哋去骨場玩就算幾熟都好，一般都冇任何折扣，就算有朋友做咗骨網嘅會員，喺肉金上都係冇着數，頂多有免費補湯或者送大廳師傅鐘，但近日東莞一帶唔少骨場啲靚女主任部長，開始不停游說客人購買套票，每疊十張，每張面額一百，一本套票就要成千蚊，以後客人就可以套票支付服務費，至於折扣方面，凡當日買十張即送最平一組嘅囡囡服務，一般都要四百蚊以上，即係即時六折，至於食開正嘢要幫襯五六百嘅服務，則補上差額就可以。」
明哥繼續：「好多朋友一計，即時賺佢四百，認真吸引，加上啲靚女主任，為咗要你買套票，唔只喺大廳時貼身推介，有啲仲入房間客串一段，有朋友曾經畀主任同囡囡夾攻，搞到佢兩吓就走火，最後焗住買套票打發主任離開，所以大家認真要小心。」另外，但凡買呢啲套票，都要小心發售公司嘅口碑同實力，就執就執嘅就咪幫襯，另外有啲骨場畀人開咗檔案留意觀察，為咗盡快套現，所以至推出套票，到時一打風，就拉閘鬆人，客人就會血本無歸。
地點：石龍
語錄：骨場有套票，優惠幾級跳，買咗咪先笑，拉閘喊又叫。
撰文：小德