香港有間Director's Club嘅超豪戲院，啲座椅舒服到可以瞓住嚟睇，約埋三五知己，仲可以包場添！咁嘅享受已經令唔少人趨之若鶩，但原來倫敦嘅打工仔仲識歎，佢哋放工之後Happy Hour除咗去酒吧圍埋吹水飲酒之外，最近仲有間露天影院Hot Tub Cinema開張，將浸浴、睇戲、飲酒三種娛樂集合一齊，問你服未？七年前，呢間Hot Tub Cinema原本只承辦私人派對，但隨住客人愈來愈多，於是老細喺倫敦東部天台定期舉行派對。客人浸在注滿熱水嘅Lay Z Spa浴池，一邊睇戲，一邊同老友吹水飲酒，簡直係公餘一大享受喇！