中國人一向對睡房布置比較疏忽，外國人就唔同喇！佢哋認為懂得布置閨房，等如懂得提升性趣，絕對係性生活裏面好重要嘅環節之一。正如美國性健康心理專家指出，夫妻93%嘅性活動都係喺睡房進行，所以能夠提升睡房嘅布置，絕對可以令婚姻生活及性生活更加美滿嘅重要因素。
好多人忽略了燈光嘅重要性，其實房間嘅光亮度，係令人動情嘅重要因素，如果太暗會令人昏昏欲睡，太亮又完全提唔起性趣。所以最好選用一盞可調校亮度嘅床頭燈，令睡房嘅光線變得柔和適中，好似加咗Soft鏡一樣，令伴侶睇起嚟都覺得靚啲，梗係容易動情喇！
千祈唔好睇小呢塊鏡子，因為專家認為當兩人做愛嘅時候，可以從鏡子中反映到雙方嘅動作同激情，可以增加性愛嘅刺激感，就好似玩自拍一樣，不過呢個方法就安全得多，又唔會有證據留低，女人嘅接受程度都大好多。不過長期有鏡子反映，又會令人產生不安感，所以房間擺設嘅鏡子，一定要係活動性，隨時可以轉出同收埋就最完美喇！
好多專家都認為裸睡比較健康，但也有專家覺得穿上鬆身內衣褲睡眠，既健康又可免着涼，女人更可以令身材若隱若現，增加吸引力。而男人也大可只穿一條鬆身孖煙囪，雙方可以毫不費勁就潛入對方嘅重要地帶，感覺自然更加親密刺激！偶爾再配合一些情趣內衣，便更能誘發性慾！
撰文：西太后