唔少人都夢想放假時去到世外桃源嘅小島避靜，若然有美相伴，攬女齊齊喺小島上打野戰，感覺既舒服又可以玩得勁放。美國就有個網站精選出四個至正嘅小島，而呢啲小島唔單止環境一流，島上仲有唔少地方畀人曳曳，讓大家可以體驗到席天幕地，水乳交融嘅快感。
希臘最出名嘅就係佢鄰近地中海嘅海灣美景，而位於地中海上希屬嘅小島環境更係幽美，唔少小島都擁有細沙靚海灘，加上希臘人出名好客，若然可以攬住個希臘美女，喺海灘上盡情曳曳一番嘅話，又真係幾過癮！唔講唔知，早喺上世紀八十年代，希臘嘅小島已經係出名嘅「愛之島」，吸引唔少男女喺島上曳曳，由於當地觀念開放關係，故此就算畀人睇到都唔驚尷尬。
斐濟群島係唔少歐美人士，放假好鍾意去嘅地方，除咗因為嗰度氣候宜人，最啱鍾意曬太陽嘅佢哋之外，仲因為斐濟群島由322個小島組成，而每個小島嘅環境都唔同，有啲島上有茂密嘅樹林，有啲則除咗有個靚沙灘，仲有個清水藍湖。正因為每個小島都有唔同嘅風景，所以每次去玩都有新奇嘅發現。對於想野外曳曳嘅男女嚟講，呢啲唔同嘅環境更可以畀到佢哋唔同嘅樂趣。
英屬維爾京群島之所以被認為係個最啱野外曳曳嘅地方，皆因當地擁有唔少靚景，除咗有相當長嘅白沙海灘外，仲有一個專為曳曳而設嘅海灘White Bay Beach，讓大家名正言順喺度曳曳。如果唔喺沙灘上曳曳嘅話，仲有冇其他嘅選擇呢？咁就梗係有啦！據介紹當地附近有唔少小島，人迹罕至之餘加上加勒比海特有嘅氣候，不論日頭尋歡定係夜晚偷玩，都無阻大家嘅
興致。
嫌上述三個地方太多人去，有機會撞到熟人引起尷尬嘅話，咁基里巴斯相信啱你需要！事關呢個位於夏威夷西南1650公里，以34個小島組成嘅遙遠島國，當中只有21個島有人居住，至於其他嗰啲嘛，你哋想點玩咪點玩囉！
撰文：魂