最近有幾名AV女優千春井、美山蘭子等，參加一個電視節目《好色救地球》嘅演出，運用佢哋嘅天賦本錢籌錢。佢哋喺節目內嘅任務就係翻起T恤畀捐款嘅善長揸胸，而所有捐款將會給予預防愛滋病機構，今年呢個節目就籌得420萬日圓，有成4,000幾人參加，無論係到場者同埋捐款都係上年嘅兩倍。據悉，呢個《好色救地球》系列節目，今年已經係第10次舉辦。大會仲規定所有揸胸者必須係成年人，而且下手前要先消毒。其實日本呢類節目真係唔少，不過將善事同色情聯繫一齊，真係創意無限。
森仔：#v#：嘩！咁正嘅節目都畀日本電視台諗到，如果香港嘅電視節目有一成咁大膽就好喇！我包保善款數字一定超勁，至少我第一個出嚟為善不甘後人！
胸奴：o_o：我好鍾意睇日本嘅電視節目，不過呢個《好色救地球》真係未睇過，一定要搵番嚟睇先得，我覺得AV女優對日本真係好有貢獻，睇得砌得又做得，難怪咁多男人對佢哋愛恨交纏。
一丁：+o+：日本人真係好鬼有諗頭，尤其是色情事業，更加令人大開眼界，我一丁一向有睇AV，如果一早知道有呢個節目，我直情飛去日本，親身揸一揸，滿足我多年嘅願望喇！
撰文：巴戟