最近有朋友話喺長安嘅骨場留低咗部電話，足足成個月後去問個經理，個經理都係攞番畀佢，覺得佢哋服務一流，其實家陣骨場對客人遺留嘅財物大多數都會妥善處理，唔會畀人私吞落格，特別係客人嘅手機同證件，但資料有冇遺失就唔敢包。
據骨場經理細哥透露：「我哋執房嘅姐姐，如果發現任何客人遺留嘅財物，都要交畀老總或指定經理，由佢哋嚟負責保管，如果係熟客嘅話，就會通知訂房經理再由佢通知客人，但好多時客人都冇留電話，所以大多數都會放經理房妥善保存，而保留時間一般都係一至三個月，至於手機同證件，客人發現唔見都會第一時間返嚟攞番，所以保管時間較短，至於荷包裏面嘅現金，有時真係幾難保證，但執房阿姐交到嚟時，我哋會當面驗收，再簽名作實，但之前有冇落格，咁真係講唔埋啦。」
雖然骨場大多數都唔會將遺留財物落格，但細哥都叫大家真係要小心，證件同手機佢哋唔會攞你，但裏面嘅個人資料就好難包，好似回鄉證同身份證嘅資料，黑市大把人爭住要，另外有信用卡喺荷包嘅更要小心，因為有埋你身份證資料，要更改信用卡用途或造假卡真係話都冇咁易；手機方面，你老友嘅電話，要Copy話咁易，之後佢哋就會不停收到骨場短訊，畀老婆發現，真係冇仇報。至於手機內圖像檔嘅資料，更可能畀人複製晒，如有性感肉照嘅話，一定會喺網上流傳，咁就冇眼睇。
地點：東莞
語錄：骨場漏電話，資料危險啊！
撰文：小德