嗰日有個玩家同我講，話惠州有個場，嗰度嘅囡囡相當高質，最重要係個個有樣又有氣質，搞到佢不知幾冧。點知因為佢玩得好興奮，搞到未入閘已經飲到冧，囡囡竟然唔理佢，擺低咗佢喺夜總會度，自己返酒店房瞓覺，最嬲就係第二朝囡囡話要收足錢，因此佢勁扯火呀！
老實講，喺呢件事嚟睇，囡囡固然有責任，因為佢點可能撇低個老闆，自己返酒店房度瞓呢？萬一個老闆喺夜總會度發生乜嘢事，囡囡唔多唔少都會扯上關係，更何況萬一個玩家第二朝，發覺擺喺酒店房內嘅私人物品唔見咗，到時搞到又要拉又要鎖，你話幾咁無謂呢？不過話又講番轉頭，囡囡問個玩家收足錢，又真係冇錯喎！因為囡囡個人就擺咗喺間房度，你享唔享用就係你嘅問題。情況就好似若然個玩家同個囡囡返到房，點知成晚只係攬住嚟瞓，唔通第二朝你可以話我都冇曳曳過，只係收坐枱錢咩？咁就梗係冇可能啦！
可能有人會話，囡囡大可以叫幾個經理，夾手夾腳抬返酒店，咁都好過要喺夜總會房度過夜吖！理論上雖然係咁樣，但實情上唔單止囡囡唔願意招呼醉客，其實連經理都唔制。有夜總會經理表示，如果佢哋遇到醉客嘅話，通常只會擺佢哋喺間房度，最多都係擺定杯茶喺佢面前，叫佢哋搬個醉客上房，甚少會咁樣做，尤其係嗰班朋友走晒，得番佢一個喺度，而張單又未埋嘅更係如此，除非對方係豪客或熟客，咁就另當別論。佢仲話有時遇到啲發酒癲嘅醉客先至係最惡搞嘅，先唔講制服佢，單係個過程，如果畀對方整爛個場，要傾點賠已經相當麻煩，最慘就係一搞就搞佢幾粒鐘，分分鐘搞到天光至收得工。
地點：惠州
語錄：飲到斷片好冇面，仲要畀埋過夜錢，最慘畀人執幾件，真係傷身攞嚟賤！
撰文：豆鼓