美國男女嘅偷食比率相當高，平均十對情侶中有五對偷過食，佢哋藉口放狗、跑步、洗車等等些少時間，都可以趁機食個快餐。好似呢條喺洛杉磯嘅偷食緩步徑，就出晒名係偷情性地。無論男女睇啱就可以大膽上前挑逗，合拍就可以即時開房，食個快餐才施施然返屋企，真係神不知鬼不覺！呢條緩步徑最大嘅特色，就係囡囡着得超性感去吸引囝囝，最好露出一條深不見底嘅事業線，跑步時候雙乳上上落落，引到班仔蠢蠢欲動，佢就會唔客氣，單刀直入邀請去開房。
近年資訊愈來愈發達，但同時也造成好多問題，其中以青少年沉迷色情網站，導致行為怪異最令人頭痛。美國猶他州日前開設咗首間「情色學校」（Porn School），目的就係致力於矯正年輕人偏差嘅性觀念。學校主要招收有上網成癮、偷窺、惡意騷擾或攻擊他人行為嘅青少年，進行全天候24小時治療；治療課程包括學習做家務、研讀學術類課程、跟老師進行對談等等。情色學校無阻止學生使用電腦同埋上網，只是要嚴加管控使用時間以及造訪嘅網站，具有色情性質嘅網站一律無法使用。儘管課程嚴格，而且一個月要收費九千美金包食宿，但依然吸引將近12位學員參加課程。
撰文：巴戟