隨住時代變遷，我哋男士嘅夜生活習慣都有所改變，愈來愈傾向於北上玩樂，搞到一啲大型日式夜總會都頂唔住要摺埋。雖然香港嘅夜生活環境係差咗，但係美國依然昌盛，更加有唔少人蓄勢待發，想做夜場老闆添。不過，想做老闆唔係有錢就得，不如參觀一下美國呢個夜場話事人博覽先啦。
早幾年有部日劇極受男士們注意，呢部就係《孃王》喇。劇中有大量AV女優演出，仲有唔少露點鏡頭，好似蒼井空咁當時都有為大家獻出兩點。套劇嘅風月場面固然吸引，但係劇情本身亦有值得欣賞之處，例如劇中嘅夜場老闆如何經營都有頗為詳細嘅介紹，令大家知道老闆真係唔容易做。經營夜場真係唔簡單，但亦唔係冇路捉，好似美國賭城一個叫做紳士夜店話事人博覽（Gentlemen's Club Owners EXPO，下簡稱GCOE）咁，就專門開設渠道，為未來嘅夜場老闆介紹如何開店。
GCOE已經舉辦到第20屆，今年嘅一屆已於早前圓滿結束。據講，今年邀請到嘅業界精英極多，總數有成三千人，當中千七人仲係夜店老闆以及經理，有如此龐大後盾幫助，後進要從佢哋身上取得經營要訣就話咁易啦。眾多業界精英於博覽舉行期間都會開講座，講解一下開夜場嘅事前準備工夫，例如場地選擇、燈光設計、背景音樂取材等等。當然，開夜店開得成功，舞台表演都唔少得，咁啱博覽又有最佳鋼管舞孃選舉，所以初選嘅時候，大會安排業界精英一邊擔任評判，講述艷舞表演點樣至可以吸引客人，同時畀參觀者從旁欣賞艷舞。不過，由於班艷舞女郎個個都舞藝精湛又好身材，仲邊跳邊剝光豬，參觀者到時唔知有冇心聽講喇。
博覽當中除咗有得聽，仲有得睇，一輪接一輪嘅火辣艷舞表演精彩絕倫，好多都跳到光脫脫，玩埋空中擘腿，甚至係噴火，保證睇到拍爛手掌。另外，大會場內仲有好多檔位，展銷夜店嘅設備，例如音響、燈光配備、枱枱櫈櫈、梳化、吧枱等等。不過，開夜店最重要嘅都係需要夜蒲人士最佳嘅朋友──酒。場內唔少檔位都係由酒商開設，為咗吸引客人注意，佢哋仲特別搵埋唔少巨乳索女推銷。見到索女中門大開，雙峰呼之欲出，同時又遞上美酒畀自己試飲，真係少啲定力都會醉呀。
撰文：賢