最近老友北上訂房，酒店經理千叮萬囑，叫佢哋落車後咪坐的士過嚟，仲話三分鐘內就有酒店專車嚟接佢，朋友心諗咁好服務等吓又有乜所謂，但原來酒店咁做係為免客人畀人騎劫。乜上面咁唔太平咩？大家請放心，只係怕你畀人劫咗去其他場啫！
東莞嘅骨場競爭十分劇烈，同一個區內大大話話有十間八間大場，計埋細場嘅話，真係數都數唔晒，有啲生意唔好嘅骨場就會諗到靠的士司機嚟撬客，客人上車話去某某骨場，司機就會極力游說去另一間，有時仲會亂吹話間場專屈客人或者啱啱被人封咗，總之務求嚇到客人唔敢去，跟住司機打蛇隨棍上，介紹客人去另一間幫襯，仲要加鹽加醋，讚到天上有地下無，客人不防有詐，就會跟司機去另一間場，呢種騎劫客人嘅方法喺東莞經常出現，令夜場高層十分頭痛。
的士司機咁樣做當然有着數，只要佢哋把客人送到指定骨場，就有獎金獎勵，一般由一百蚊一個頭起，你有得三四個人同行，司機更會搏命游說，事關四個客一次送過去，最少都有四百蚊獎金，抵得一日車租咁滯，於是有司機索性停喺車站專騎劫客人，客人上正賊車就凶多吉少，唔係唔畀司機賺錢，而係骨場做一個客，都只係收四五百蚊，你一入去就分咗一百蚊畀司機，服務質素就十分可疑，隨時仲會係屈人場，所以真係咪亂上賊車呀！
地點：東莞
語錄：的士司機為獎金，騎劫客人有得諗。
撰文：小德