要數兩岸三地溝女文化，發展得最淋漓盡致嘅地區，一定非台灣莫屬，佢哋單係呢方面嘅專家就不計其數，今日就將佢哋嘅溝女絕學曝光，下面就係喺夜店見到心儀囡囡，最常聽到開口講嘅第一句說話。
呢招擺明係唔識扮識，無情情同囡囡打個招呼。專家話故作親熱打招呼後，不要馬上圍住囡囡展開攻勢，反而走遠一點，但保持喺囡囡嘅視線範圍，囡囡畀你咁搭訕，會回憶係咪認識你，一邊望住你一邊回憶，令佢對你印象加深，甚至產生好奇感，半小時後見囡囡落單時，再埋身同佢聊天，一定可以順利搭上。
專家話呢招定要喺舞池內同囡囡有多次眼神交流，甚至兩人有意無意地合拍跳舞後使出，記緊如果囡囡肯同你跳舞，便證明對你有好感，所以一定要把握機會，趁良好氣氛仍在，保持發展，適當時間叫佢去吧枱飲杯酒，然後打蛇隨棍上，但要觀人於微，如果囡囡話不投機，不要勉強落去，反而出舞池再跳舞仲好。
嚟夜場玩嘅囡囡好多都係塘邊鶴，即係齋睇唔玩，佢哋大多數會企喺舞池邊，專家話遇上呢啲囡囡，你要出現喺佢身邊，望向同一方向睇佢留意乜嘢，佢一有反應你亦要有相同反應，呢吓反應，會令佢覺得兩人心靈相通，之後男仔主動相邀出去一齊跳舞，無論接受與否，都可以拉開話題，保持雞啄唔斷精神，一定會成功。
撰文：祖