同啲北行前輩談起，最近東莞一帶嘅骨場，竟以「衞生」嚟做招徠，佢哋標榜啲囡囡每個月最少會驗身兩次，確保乾乾淨淨。聽啲前輩講，呢招真係好耐冇用過，話說以前六七十年代，香港灣仔一帶嘅吧女就係以「衞生」嚟呃鬼佬。
據資深前輩漢哥講：「以前啲吧女為咗呃啲外國人幫襯，就會話自己經常做檢查，十分乾淨，仲會喺舖頭貼埋張檢驗結果出嚟以正視聽，而且仲呃啲外國人，其他地方嘅囡囡冇驗身，個個都唔知有啲乜嘢病，仲叫佢哋咪亂嚟，啲外國人不虞有詐，所以全都留晒喺灣仔一帶幫襯，但囡囡有冇定期驗身，真係天知道。」據我哋調查所得，東莞一帶好幾十間大場，都規定囡囡要定期驗身，有啲兩個月一次，有啲就一個月兩次，由於每次驗身最少都要幾百蚊，都唔係一個細數目。
要囡囡合作，骨場大多數都會提供津貼，例如同囡囡一人一半，又或者同醫院約好，定期嚟檢查就要求畀一個優惠，一般都攞到半價至七折，如果唔係價錢上有優惠，啲囡囡都唔會肯同你配合。萬一唔好彩囡囡驗出有性病，咁又點算呢？如果休息個零星期就可以斷尾嘅就會叫囡囡休息，但如果要長時間治療嘅，骨場往往會畀囡囡繼續返工，但要特別保護，一有查牌就要馬上撤走，否則畀人查到，唔只街知巷聞，仲會連大牌都被釘。
地點：東莞
語錄：囡囡勤驗身，安全又衞生，生命誠可貴，安全套跟身。
撰文：小德