倫奧前內地好多模特兒紛紛爭做運動員嘅粉絲，一時間體操迷、跨欄迷同女排迷等湧現，但比賽過後好多偶像都無力爭金，唯獨林丹迷歡天喜地，因為丹爺勇奪冠軍，而模特兒粉絲中更開始爭做「超絲」（即係超級粉絲），目前以呢三位最氣勢如虹。
王甲喺山西戲劇學院畢業，之後就一直從事模特兒工作，而佢比較多接觸嘅就係運動相關活動，無論拍攝硬照定電視節目，都以運動項目為主，而佢自京奧開始，就喜歡上丹爺，只要同佢有關嘅節目，佢都會主動申請參加，而且由於對丹爺一舉一動都十分清楚，製作單位都會請佢參與，被網友譽為丹爺頂級粉絲，絕對實至名歸。
三圍：33、25、35
身高：165cm
何傲珊係內地少有嘅啦啦隊專業戶，佢由07年開始就做有關啦啦隊嘅工作，所以京奧時就喺北京演出過，佢話同丹爺十分有緣，曾經有幾次喺運動場撞見過佢，聽講仲同佢有過合照，自此封丹爺做偶像。倫奧前夕，佢更為偶像拍攝打氣照片，由於珊妹身材火辣，上圍有35吋，所以深受其他男性丹爺擁躉嘅歡迎，穩站超絲第二位。
三圍：35、24、34
身高：168cm
畢業於吉林藝術學院嘅裴厶橈，除咗歌精舞勁之外，身高174cm，擁有35吋豐滿上圍嘅裴厶橈，仲參加過第61屆世界小姐中國區賽事，獲泳衣單項十佳同埋網選五強嘅頭銜，佢喺倫奧前拍咗輯為丹爺打氣嘅性感照，手持羽毛球拍，以小底底同半截汗衣示人，真係人見人愛，我係丹爺都為佢拚命，男粉絲更係全力支持。
三圍：35、25、35
身高：174cm
撰文：德