最近東莞仔有老友報料，東莞市因為有按摩技師兇殺案出現，最終搞到內地進行大力掃黃行動，以致市面一片蕭條。常平就有五星級酒店被突擊掃黃，連帶其他大批桑拿、卡拉OK等娛樂場所被勒令停業。當局咁做就係想除去「性都」呢個惡名，老友叫苦連天之餘，又識得轉腦筋，借女朋友過橋。
為咗避風頭，老友話好多邪骨場立即轉型，全部變晒正骨，喺東莞嚟講都算係一個奇迹，不過內地夜場利害關係千絲萬縷，就算要掃都唔係一朝一夕可以做到嘅事。正所謂有利益就有人願意冒險，好似老友就係唔怕死之人，夠膽死呢個時候，仲去東莞夜遊。佢話自己有相熟骨女，根本唔需要上去骨場，直接打畀囡囡，就可以叫佢上酒店短聚。大家以男女朋友相稱，而且已經相識了一段日子，對於雙方嘅背景都好熟悉，就算突擊檢查都唔會怕畀人叉到！
老友話呢種女朋友喺東莞好普遍，好多骨女都有十個八個男朋友，大部分都係港男，佢哋平時放工後做呢啲外快，都已經夠生活，所以唔好睇少佢哋嘅收入，儲埋儲埋隨時係小富婆。咁都要多得老友呢種男朋友，上親去都Call囡囡上酒店拍拖談情。所以老友話依家北上玩，一定要有幾手準備，唔係好容易一身慾火上到去，無處發洩，到時真有冤無路訴。
地點：東莞
語錄：正宗夜場敢死隊，骨女變身私家囡。
撰文：東莞仔