第十屆Chinajoy遊戲展早前於上海舉行，令網友最注目嘅除咗大量新款遊戲外，當然唔少得令人眼睛大吃冰淇淋嘅動漫女郎。據網評指出，今屆美女如雲，更係歷屆之冠，依家就選出三張最受網友歡迎嘅照片，保證你目不轉睛。
嚟自湖南嘅李玲，網名叫「寶貝歪歪」，展覽會第一日就以超性感雅典娜裝出現，當日網上就已經火速轉貼，人氣急升，好多第二三日去到會場嘅朋友，都要指定搵佢拍照，可知其受歡迎程度。上圍34吋嘅李玲，身穿超低胸制服，竟做出逼爆效果，而且佢條超短迷你裙，更係連小底底都露埋，你話唔火紅都幾難。
陳優雅嚟自廣東，參加大會主辦嘅騷女郎選舉，獲網友選為人氣女神，又難怪，佢身高170cm，雙腿又長又靚，最緊要就係上圍有成36吋，着起乜嘢制服都殺死人，加上大家都係廣東人，我實投佢一票，但唔知係咪上海冇乜粉絲，所以贏咗人氣，卻贏唔到名次，但大可放心，以佢咁火辣嘅身材，喺娛樂圈一定紅硬呀！
嚟自蘇州嘅龔葉軒係知名遊戲廠商嘅騷女郎，今年21歲嘅佢原來已經係資深模特兒，但出席全國動漫展仲係第一次，佢之所以咁受網友歡迎，除咗人靚脾氣好之外，身材正一定唔少得，擁有36吋E級嘅葉軒，着住制服都難掩佢嘅驕人身材，所以展區附近經常圍着大班宅男，佢一出場就閃燈不斷，騷女郎中佢算係最受歡迎之一。
撰文：祖