靚女分好多種，有青春、純情、天真，亦有性感、病態以及姣到出汁嘅靚女。不過，當中最得我心嘅一定係健康性感型，就好似杉本有美咁。今年23歲嘅有美身材高挑，5呎7吋高，三圍33C-23-33，唔算相當豐滿，但係睇落不乏婀娜美態，加上皮膚滑溜又有光澤，真係嗒得杯落。而有美最為人欣賞嘅地方仲有其面孔具天真爛漫，活潑又親切嘅感覺，所以被歸類為健康嘅治愈系水着妹。
如果大家想感受有美健康魅力，就要睇佢最新嘅寫真DVD《Red Hot Honey》喇。為咗拍攝呢部DVD，有美特別去到夏威夷取景，以當地燦爛嘅陽光以及當中優美嘅海灘景色，襯托出自己嘅健康同陽光氣息，阿妹以火辣三點式演出，亦令作品添上視覺刺激喇。作品仲收錄咗阿妹早前拍攝寫真集《Deep Breath》嘅花絮，當中有幕仲係佢帶醉接受訪問，係咪好吸引呢？
售價：HK$394
撰文：小德