今年已經三十有一嘅Monica，雖然唔可以再走玉女路線，但以佢嘅身形同埋狂野性格，做唔成玉女咪做慾女囉！阿妹一向喺四仔界好受歡迎，佢仲話自己未來將會愈拍愈大膽、愈拍愈激，佢話入行咁多年，到依家都仲有啲「意淫未盡」嘅感覺，認為自己可以上到更高位置。
Monica喺行內出名戲路夠廣，床戲又夠辣，不過就係爭啲運氣，做咗咁耐都係一線尾二線頭女星，人氣唔係冇，但係總好似差少少上唔到一線，佢自己對於現況都有啲耿耿於懷，所以向傳媒宣布自己未來會走更激嘅路線，拍性戲冇底線咁話。
「我22歲入行，到依家都成10年喇，喺行內已經畀人叫老前輩，如果未來兩三年我仍然未有起色的話，就可以話注定做四仔甘草，所以未來兩三年就係我嘅搏殺期，就算男朋友都要行埋一邊，唔好阻我上一姐位。」
佢同男朋友已經同居3年，對於佢嚟講，絕對係一個長壽記錄，所以佢都好珍惜呢段感情，不過講到事業，佢始終放喺第一位，就算要佢犧牲愛情都冇問題。好在男友又好抵得諗，話會全力支持Monica，唔會阻手阻腳，佢想幾大膽都唔會詐型。
「我初時都以為男友一定會詐型，因為佢曾經勸過我退休同佢結婚，做良家婦女，相夫教子，但係我好細心諗過之後，始終都好緊張自己嘅事業，所以拒絕咗佢嘅好意！今次我仲要更加大膽更加盡，佢竟然話支持，真係出乎我意料，抵我錫晒佢！」
內容：套戲擺明玩熟女，又媽媽又阿姨，啱晒有戀母情意結嘅影迷，再加上性愛場面好入肉，就算唔啱中女嘅影迷都睇得好緊張！
三圍：34B、25、35
身高：5呎6吋
年齡：31歲
撰文：西太后