性超人：#o#：最近有名DJ過檔到電台主持節目，大談性愛話題之餘，一班女人更自封「性愛評論員」，大聲講性完全冇顧忌，更加唔會面紅。結果播出以來吸引唔少聽眾，更有內地聽眾不惜翻牆嚟聽。節目仲有嘉賓主持、性治療師等等，內容大膽踩界，難免會引起外界關注，而且更有被投訴風險，不過講「性」嘅電台節目，又唔係第一次出現，香港人都應該接受得嚟！除非佢真係講得好離譜，過晒界就話啫！如果唔係我覺得冇咩特別囉！
師兄：QoQ：唓！我仲以為有咩新節目添！我哋成班上大陸消費嘅師兄，日日喺網上都談「性」o架喇！而且仲有好多老友長篇大論，講佢嘅性經歷同埋提供貼士添！所以見怪不怪，呢啲電台節目都係小兒料，對於我哋呢班性超人嚟講，「性」就係我哋嘅主題，唔會怕醜，更加唔會閃閃縮縮，所以我哋先至係真正嘅「性愛評論員」。
淫遊：€o€ ：我哋成班麻甩佬梗係話呢啲節目小兒料喇！但係對於一啲師奶嚟講，就好似驚為天人一樣，因為佢哋平時收收埋埋，又苦無對象傾訴，個老公成日北上，自己飢渴到死都唔敢出聲，依家有個電台畀佢哋發洩吓，都係一件好事。好過佢哋忍唔住之下去跳社交舞，最終畀人呃晒啲私己錢仲慘喇！
波士：X~X：平時北上耍耍滾，都已經成日同班老友吹水，大談性經，所以我對於呢啲性愛節目真係冇咩興趣，你話如果識到女仔的話，就有興趣多啲！而且之前我都聽過類似節目，到喉唔到肺，想講又唔敢講，始終香港人都係保守啲！一講到性就縮縮吓，仲要公開講，就更加冇人附和喇！