最近內地有套電視劇正在熱播，講述模特兒背後嘅真實生活，創作人話呢套劇可同美國嘅《色慾都市》媲美。當中幾位女主角，更有唔少超性感演出，而在一眾新拍劇嘅女角當中，網友們最想邊位做佢哋嘅女朋友呢？結果馬上公布！
故事講佢係一位21歲嘅人氣模特兒蓓蓓，劇集中飾演大師姐，經常畀壓力其他新人令其成長，所以周不時都要大騷身材，由於趙密本身係混血兒，而且攞過多個模特兒比賽嘅獎項，近年更喺國外搵食，實力方面毋庸置疑，加上故事描述佢敢愛敢恨，周不時做主動，火辣場面一啲都唔輸蝕畀其他花旦，確實吸引唔少網友，絕對係實至名歸。
年齡：23歲
三圍：34-24-35
身高：178cm
故事中飾演30歲嘅模特兒公司負責人，同一眾新人亦師亦友，好多熟悉尚真嘅朋友，都戥佢唔抵，事關尚真只有23歲，但就要做一個30歲嘅中女，但尚真冇因為咁樣唔開心，反而好努力咁做，將中女角色演活得淋漓盡致，吸引一群中年網友嘅注視，而擁有驕人身材嘅尚真，喺劇中都不讓其他女角專美，不時讓半球示人，令人愈睇愈振奮。
年齡：23歲
三圍：35-24-35
身高：180cm
故事中周蕊飾演初出道嘅模特兒，雖然對白唔多，但有幾場戲，可以話瞓身演出，所以深受網友嘅歡迎，加上周蕊本身以性感形象深入民心，所以佢嘅演出，只要不離性感，自然大受歡迎。而且由佢演繹年輕模特兒，只係做番自己，所以表現出色，觀眾亦十分受落，只嫌啲戲唔多，多啲戲嘅話人氣一定可以更高。
年齡：22歲
三圍：33-23-32
身高：170cm
撰文：小德