一直以嚟運動界都喺度爭論，比賽前運動員有性行為，會否影響到表現，而有啲國家更早就對運動員實行禁慾措施。不過早排有調查顯示，一次熱情奔放嘅性愛所消耗嘅卡路里，相當於緩步跑兩公里或用中速踩一公里單車，即係當中嘅運動量同運動員熱身差唔多。此外，呢個調查又話，一次曳曳所射出嘅精液，當中嘅營養成分同一啖口水差唔多，卻冇聽過吐口水會影響運動表現。另外，調查又話性愛有助運動員紓緩緊張嘅情緒，因此有節制嘅賽前性愛，係可以接受嘅！
早排有著名搜尋網站表示，根據數據顯示，喺過去五年間，每逢夏天同冬天兩個季節，零舍多人用「Porn」、「xxx」、「x-rated」等呢啲黃色用字，喺搜尋網站度搵鹹濕嘢。雖然當中原因未明，但有專家就表示，呢個咁規律嘅循環，應該係同長假期有關。當男士唔使返工嘅時候，特別容易諗起鹹濕嘢，同埋多咗時間上網咁話。其實呢個分析又幾正確喎！事關唔少男士平日買埋買埋咁多鹹碟，一有時間梗係即刻拎出嚟狂煲，而冇買嗰啲咪即刻上網搵吓有乜好介紹，否則呢個悠長假期，搵乜嘢嚟打發時間呢？
撰文：魂