之前有個風俗網站做咗個調查，問日本嘅出張風俗孃，喺未有嘢做嘅時候，最喜歡去乜嘢地方打發時間？有四成多囡囡話會去公園散步，回憶吓童年時光，而佢哋去到公園，又最喜歡玩乜嘢設施呢？結果都幾有趣o架！
有三成幾囡囡選擇鞦韆，佢哋話除咗有童年回憶外，亦會想起好多中學時代嘅情景，因為做學生妹都不時嚟玩鞦韆，所以那些年嘅回憶特別多，而最重要就係鞦韆係要自己努力，至可以盪得更高更遠。囡囡玩鞦韆時，激勵自己努力就可以完成理想，真係睇得日劇多，連玩鞦韆都咁勵志，抵佢攞到第一名嘅。
有兩成半人就選擇玩滑梯，囡囡話小時候想玩滑梯，一定要有家人陪同至得，所以家陣嚟到公園，一玩滑梯就會回想起童年時嘅點滴，聽落真係感人。另外有些囡囡話當你爬上高處時，可以一睹公園全貌，心曠神怡，真係唔捨得由高處滑落嚟，但又抵擋唔到滑落嚟嘅快感，就好似人生起伏不斷。日本嘅風俗孃講句說話都咁有哲理，佩服！
有一成半人選擇玩以小動物造型嘅搖趷趷，囡囡話係佢哋小時候最常玩嘅玩意，而且一個人騎上去後，其他小朋友就冇得玩，加上易控制，好有滿足感，家陣囡囡再騎時，亦會有陣陣自豪感湧現，對現實中失去嘅自信，會有唔錯嘅幫助，重拾自信都畀你哋諗到，真係要寫個服字囉！
撰文：小德