AV女優每次進行拍攝，都會一早到拍攝場地準備，由化妝師替佢哋整頭裝身，化妝打扮，而女優們喺打扮嘅時候，最常見做啲乜嘢事呢？原來講得出嘅都有，例如吹水、打機、瞓覺、食飯、對稿等，而最令化妝師乞人憎嘅就係以下三件事。
化妝師話家陣啲囡囡個個都有平板電腦，就算冇都一定有智能手機，佢哋閒來無事就打機，除咗玩到成日搖嚟搖去令佢好難做嘢之外，每當隻手喺佢眼前一動，佢哋就會即時怒瞪，有時仲會衝口而出，話好阻住佢哋打機，講真，雙手唔喺佢哋面前晃動，又點同佢化妝呀！所以化妝師一致最怕佢哋打機。
每當女優食飯嘅時候，都係好難化妝，一來把口郁吓郁吓，二來無論化妝定係整頭，都會令部分化妝品或者髮膠飛入飯盒裏面，女優見到自然唔開心，化妝師都唔想佢哋食到肚痛，惟有放慢手腳拖十零分鐘，等佢食完再做，但就會畀導演鬧，話女優飯都食完，個妝都未化好，真係左右做人難。
化妝師話嚟到現場，夠膽喺化妝時小睡嘅女優，一定係當紅阿姐或當家花旦，佢哋應酬多，所以瞓得唔夠，於是會嚟到現場時閉目養神，小休片刻，本來坐定定化妝都無所謂，但要做嘢又唔可以阻佢哋休息，咁真係考起，惟有放慢手腳，時間長咗，導演又搵化妝師嚟詐型，一樣冇運行。
撰文：小德