大海：+_+：深圳最近有間酒店，搞咗個青年性健康培訓營，吸引咗全國60個年輕人去報名參加，據講當中全部都係在校大學生，年齡由18歲至24歲左右，期間活動都係以玩遊戲為主，冇講者演講，亦冇乜嘢展覽，而且最搞笑玩嘅都係啲白癡遊戲，例如吹爆避孕套、女生替木棒戴上安全套等。
藍天：^v^：明顯內地啲大學生要入大學前，個個都要長時間做宅男宅女，日夜閉關溫書，入咗大學後就更不知道性為何物，喺性知識極度貧乏嘅情況下，有機會玩一啲「開放」少少嘅遊戲，已經覺得好新鮮，好刺激，更話係對性認識跨出了一大步，聽到佢哋咁講，我哋18歲就經驗豐富嘅人，咪可以做佢哋嘅教授？
高山：*~*：計我話玩吓呢啲咁白癡嘅性遊戲，都已經咁開心，如果有啲靚女主動摸上門搵佢哋，咪一定令佢哋神魂顛倒，睇嚟呢門生意真係大有可為，一於去髮廊搵班靚女嚟埋班，然後再搵人負責網上宣傳跟網友聊天，之後每次收五百大元，我睇呢班大學生實爭住幫襯，一日做得十零單，一個月就發達，一年就做富翁。
碧水：$v$：如果我係囡囡，就唔會心急賺呢啲皮肉錢，反而會放長線釣大魚，手上識番六七個呢啲大學生，平時得閒就逐個約佢哋出嚟吃喝玩樂，每逢過時過節，又可以屈佢哋買吓手袋，買吓靚衫，放假時就要佢請我去遊埠，等到佢畢業出嚟賺大錢嘅時候，再從中挑一個大有錢途嘅金龜婿，到時火燒旗杆，呢鋪仲唔實食冇黐牙。