如果問到閣下有咩因素影響到你嘅性趣，你會點答呢？身子弱？工作太忙？搵唔到合適女伴？相信以上種種原因可能係大家嘅答案，但係對於希臘人嚟講就唔係，因為最影響到佢哋性趣嘅其實係經濟。大家都知道希臘正面對債務危機，國內經濟直線下滑，失業率高企，人民嘅生活梗係淒涼啦，但係佢哋嘅性生活一樣大受影響，點解咁講呢？有消息指出，希臘首都雅典嘅性商店由高峰期嘅四百多間，下跌到近日剩低四分之一，有性商店負責人就話原因同經濟不景，令市民嘅性趣大大減低所致。該負責人仲話，曾經試過一日生意額只得20歐元添咋。
撰文：小德