大家出街見到乞丐，都知道對方皆因生活艱難，迫於無奈至出嚟乞錢。即使睇得出，部分乞丐可能有欺騙大家同情心之嫌，但係基於同情以及施比受更為有福嘅觀念，點都要捐出多少畀對方。不過，面對呢一位女乞兒，大家又會唔會樂於捐輸呢？早前，美國一名三點式打扮、名叫蘭絲嘅女乞兒，佢騎住架電單車四圍乞錢，但係佢就話明自己唔係冇錢開飯，亦唔係無家可歸，咁點解又要出嚟乞錢呢？原因係佢嫌自己個胸太細，希望可以籌到錢去隆胸喎！畀我就一定唔捐，而且仲會同佢講：「你賣咗架電單車咪有錢囉！」
撰文：小德