快樂真係好簡單，對男人嚟講免費有嘢o吸已經好爽，當然可以執多劑就更滿足啦！但幻想吓好嘞，免費執劑隨時有手尾跟，但細佬推薦你喺嚟緊嘅8月26日可以免費喪目及咪咪，甚至話你唔目及都要強迫你目及，皆因當日係全球Go Topless Day（無上裝日），有奶嘅都可以露兩球！
點解香港「快樂指數」永遠都追唔到歐美國家呢？我可以話你知，因為部分港男港女心胸窄囉！今日帶大家睇睇Go Topless Day，據稱呢個運動由08年開始，每年定喺8月26日喺美國多個州及歐洲多個國家舉行，主要都係女人無上裝，之所以咁做主要目的係女團組織認為男同女一樣都有乳頭，但法例規定男人可袒胸露乳，但女人就唔可以，因此女性要爭取同等待遇，男士們係咪好支持呢？細佬梗係舉腳贊成添啦，之不過咁，美國咁大，並非所有地方當日都有遊行活動，據官網資料顯示，較為出名嘅地方有紐約、華盛頓、邁阿密及夏威夷，而加拿大嘅多倫多及溫哥華都會力撐，即是話，呢個暑假你喺以上地方旅行，單係睇波都飽到嘔，但記得要同囡囡簽個名，支持合法露乳噃！
負責Go Topless Day嘅組織更開設官方網站同大家分享最新消息，原來佢哋除咗每年一度嘅大型集體裸露，不時都有蚊型活動喚醒大家，好似早前就喺芝加哥沙灘搞咗次無上裝曬太陽活動，吸引成千上萬囡囡參加，但咪以為佢哋淨係掛住露體噃！查實佢哋好有組織，每次活動都有規有矩，希望女士們活動當日可以裸露上半身，同時喺乳頭上貼上紅色十字膠布以示無聲抗議，而現場支持嘅男性則可穿比堅尼嘲諷不平等法例喎！講到呢啲咁敏感位細佬都係收聲穩陣，但大家如果想以另類方法支持一樣有計，事關喺網站gotopless.org內可以幫襯佢哋買男女裝Tee甚或iPhone 4、iPad機殼，貴就貴啲，但可以支持佢哋繼續晒波抗爭，你話幾值得呢！
各界婦女團體就熱烈期待無上裝日，原來脫星界都唔執輸，每年到暑假月份就玩嘢，好似幾位大牌脫星就借題發揮搞裸泳體操，喺水池做健身操又裸泳，製成四仔益街坊，雖然係抽水成分極重，但麻甩佬非常受落，至於其他大小脫星都有樣學樣，集合一齊去沙灘玩挑戰法律，皆因囡囡身上比堅尼嘅布有等於冇，完全遮蓋唔到重要部位，喺泳客面前玩拍寫真，係男人都圍住喪目及啦！
撰文：祖