廣州一街都係老闆，近年佢哋最熱愛嘅夜遊玩意，原來就係搞「美女飯局」，老闆們平時每星期都會約埋三五知己見一兩次面，期間難免飲飲食食，於是就會包房設宴，但幾個麻甩佬食飯有乜意思？於是就有人諗到搵飯局美女嚟助興。
由於佢哋個個都係老闆，雖然身家冇幾百億，都有幾百萬喺身，大明星就冇佢哋份，但模特兒都可以玩得起，於是佢哋搵啲飯局美人，最少都要模特兒嘅級數，但講真，邊有全職模特兒會咁做？佢哋搵到個網拍模特兒，就已經當佢係女神，出手仲十分闊綽，單係嚟食餐飯，飯局費就已經高達兩三千蚊，囡囡夠主動熱情嘅話，仲額外有貼士，至於肯陪老闆直落嘅，更會收到天文數字嘅肉金，於是有啲雞頭就將啲青春小雞安排去影樓拍幾輯寫真，然後就貼上網站，自報係模特兒，令囡囡身價百倍。
由於搵影樓拍攝囡囡寫真，最平都要八百至一千，所以雞頭真係未見官先打八十，但假如有客人睇中自己個囡囡，咁真係乜都返晒嚟，好似囡囡平時全套服務，收到盡都係兩百大元，但家陣食餐飯都千千聲，過埋夜更係以前肉金嘅20倍以上，做一次等同做一個月，做到一個月，就等同做埋成年，雞頭同囡囡都盆滿缽滿，所以好多雞頭都肯蝕頭注，力捧手上囡囡做網模，所以有啲囡囡嘅寫真雖然喺網上貼到隨處可見，但一次雜誌內頁或者廣告都冇見佢拍過，咁大家就知囡囡係龍定係蛇啦！
地點：廣州
語錄：飯局妹嗒糖，山雞變鳳凰。
撰文：賢