陳十一：+_+：最近英國有對拍拖五年嘅情侶，因為女朋友沉迷情慾小說，男朋友就以小說嘅情節，用支褐色嘅醬汁，怒射女朋友塊面，令佢眼睛不適，佢女友當然慶過「辣雞」，控告男朋友立心傷害，最後男友被判罪名成立，罰款二千二百蚊港紙，仲要做半年社會服務，真係無妄之災。
黃十二：^v^：我老婆如果學佢就好啦！事關我好沉迷睇日本AV片，一睇就可以睇幾個鐘頭，如果老婆為咗唔畀我睇，扮成日本AV女優咁對付我，咁我真係不枉此生，我發誓唔會告佢不特止，仲會錫晒佢，買隻戒子畀佢又點話，學英國朋友咁，搵啲嘢射落我塊面，更係求之不得，但射乜好呢？如果老婆用聖水射我，短幾年命都制呀！
李十三：#o#：樓上師兄真係壞咗腦，計我話男友定係女友都好，有乜特殊喜好咪由得佢囉！你管佢嚟做乜嘢，何況十居其九，你愈管佢愈變本加厲，所以以我經驗，一於唔理佢哋，好似我老婆咁，成日唔喺屋企，我由得佢，後嚟晚晚唔返屋企，我又由得佢，最後佢跟埋男人走，我咪一樣由得佢囉！唔係可以點呀？
張十四：QoQ：計我話大人大姐，邊度管得到，但由得佢哋亂嚟又唔係辦法，我建議一於佢做初一，你就做十五，佢喜歡睇情慾小說咩，你咪睇鹹片囉！佢睇一本，你就睇夠十隻；佢喜歡睇AV咩，你咪睇四仔囉！佢睇一個鐘，你就睇夠十個鐘。到佢睇唔順眼時，你就可以同佢討價還價，呢招不妨試吓。