香港女歌手分類較少，唔係偶像就係創作型歌手，但內地樂壇嘅分類就多好多，好似有藝術歌曲同埋跳舞類型，此外仲有一種叫性感歌手，要當上呢類歌手，樣靚身材好自然唔少得，依家就介紹三位網上人氣最勁嘅性感女歌手畀大家認識。
由平模殺入娛樂圈嘅馬諾，除咗身材夠晒火辣之外，佢把口仲十分了得，好似兩年前做速配節目時，就被人封為「拜金女」，有網友話要封殺佢，之後佢更做埋歌手，最近又推出MV，據講佢嘅歌十分之受歡迎，特別係有佢大膽演出嘅MV，點擊率一定爆晒燈，所以性感歌手真係實至名歸。
年齡：24歲
三圍：33-26-34
身高：160cm
09年至喺中國音樂學院畢業嘅魏一凡，出道日子好短，由於係科班出身，所以歌唱實力，絕對毋庸置疑，但佢火速上位嘅原因，並唔係靠歌精舞勁，而係佢擁有驕人嘅身材，上圍有35吋嘅一凡，平時着衫都已經十分性感，可況仲有個37吋渾圓大躉，平時露少少身材都已經令人噴血，所以網友十分期待一凡嘅超性感演出。
年齡：21歲
三圍：35-24-37
身高：160cm
裘斯係著名女子組合「明駿女孩」嘅隊長，五年前出道時憑勁歌熱舞，迷倒萬千少男，後嚟無奈拆夥，裘斯就獨立發展，經過四年嘅努力，喺歌壇上總算有啲成績，期間裘斯亦喺模特兒界大展拳腳，拍攝咗好多性感寫真，所以裘斯嘅歌手身份難免會冠以性感兩字，但以佢嘅本錢，絕對孭得起。
年齡：27歲
三圍：33-23-34
身高：168cm
撰文：小德