天氣咁熱，對於好多熱愛戶外運動嘅女仔嚟講真係好難頂，因為男人就話可以剝去上衣，着住條運動褲做運動啫，但係女仔除咗要戴胸圍，外面仲一定要加多件衫以免令其他男人睇到熱上加熱。不過，早前喺美國紐約，就算天氣幾熱都唔怕，因為一眾男男女女可以公然穿上底衫底褲通處跑。7月6日，紐約中央公園舉行第12屆Celebrate America Underwear Run，當中有成五百名男女參與，而呢一日男人可以只着底褲，女人就可以只着胸圍同底褲，一齊進行一次長約2公里嘅賽跑，唔單只班參賽者涼爽，路人見到真係透心涼呀！